Талабалар учун қишки таътил муддати узайтирилгач, олинган авиачипталарни ҳам бепул қайта алмаштириб бериш, қўшимча рейслар ажратилиши тасдиқланди.
Фото: KUN.UZ
Кейинги ҳафтадан Ўзбекистонда аномал совуқ бўлиши кутилаётгани учун республикадаги барча бўғиндаги таълим муассасаларига қишки таътил навбатдан ташқари узайтирилганди.
«Uzbekistan Airways» матбуот хизматининг хабарига кўра, 10 январгача харид қилинган чегирма асосидаги авиачипталар 18 январгача режалаштирилган авиақатновларга бепул қайта банд қилиб берилади. Ички авиақатновларга 50% чегирма ҳам шу муддатгача давом этади.
Олий таълим, фан ва инновациялар вазирлиги ҳам бу борада расмий муносабат билдирган. Вазирлик 9 январгача олинган авиа ва темирйўл чипталари бепул тарзда тегишли муддатга алмаштириб берилишини маълум қилганди.
