Европада хавфсизлик ва ҳамкорлик ташкилоти Москва ва Киев ўртасида тинчлик музокаралари бошланган тақдирда ўз ҳиссасини қўшишга тайёр, деди ЕХҲТ Бош котиби.
Европада хавфсизлик ва ҳамкорлик ташкилоти (ЕХҲТ) Бош котиби Ҳелга Мария Шмид ушбу уюшма Россия ва Украина ўртасидаги тинчлик музокараларини қўллаб-қувватлашга тайёр эканини айтди. Бош котиб 3 март, жума куни Ҳамбург шаҳар мэриясида тегишли баёнот билан чиқди.
Шмид Германия президенти Франк-Валтер Штайнмайернинг Хитойнинг «тинчлик режаси»ни ҳисобга олиб, Москва ва биринчи навбатда Киев иштирокида музокаралар ўтказишга чақирган сўзларини эслади. Штайнмайер Хитойнинг Украина ва Россия ўртасидаги зиддиятни ҳал қилишда конструктив роль ўйнаш қобилияти шубҳали эканини таъкидлади. «Агар шундай бўлса, унда Хитой ҳар қандай ҳолатда ҳам нафақат Москва, балки Киев билан ҳам гаплашиши керак», деди Германия президенти.
«Мен бу фикрга қўшиламан ва шуни қўшимча қилишим мумкинки, ЕХҲТ ҳам ўша пайтда ўз ҳиссасини қўшади», - деди Бош котиб.
Россия Европада хавфсизлик ва ҳамкорлик ташкилотига аъзо. Москванинг Украинага кенг кўламли ҳужумидан бироз олдин ташкилот хавфсизлик бўйича мулоқот ўтказишни таклиф қилган ва 57 аъзодан 56 таси бунга тайёр эди, деб эслатди dpa агентлиги. «Аммо Россия диалогга қарши ва уруш қарорига келди», деди Шмид.
Украина шарқида 1300 кишидан иборат кузатув миссиясини якунлашга тўғри келди. Шунга қарамай, «Украинага қарши тажовузкор уруш менинг ташкилотимнинг муваффақиятсизлиги ёки кўп томонлама ёндашув эмас», деб таъкидлади бош котиб ва бу «бир мамлакат раҳбариятининг онгли қарори» бўлиб, «барча мажбуриятлар ва барча меъёрларга зид» эканлигини айтди.
