22 ёшли йигит бахтсиз ҳодиса қурбони бўлди.
Фото: Globallookpress
Россиянинг Ленинград вилоятидаги темир йўлда қўли йўқ эркакнинг жасади топилди. Бу ҳақда 78.ru хабар берди.
Нашрнинг ёзишича, жасад Санкт-Петербург яқинидаги Цвилево ва Тихвин станциялари орасидан топилган. Дастлабки маълумотларга кўра, марҳум — 22 ёшли Ўзбекистон фуқароси.
Йигит қулоқчин билан смартфонга қараган ҳолда поезд олдидан ўтишга уринган. Унинг смартфон ушлаган панжаси темир йўл қопламасидан 3 метр наридан топилган.
Ҳолат юзасидан ҳуқуқ-тартибот идоралари текширув ўтказмоқда.
