Хитойнинг Шанҳай провинциясида ўлик учун жой банд қилиб қўйиш ўртача 14 минг долларга тўғри келади.
Хитойнинг Шанҳай провинциясида майитларни кўмиш учун қабристонларда жой қолмабди. Провинция маъмуриятининг ҳисоб- китобига кўра, аҳоли суръати ўсишда давом этаверса, 15 йилдан кейин ҳудуддаги қабристонларда жой қолмаслиги мумкин. Қабристондан 1та майит учун жой банд қилиб қўйиш ўртача 4 минг долларга тушади.
Шунинг учун расмийлар марҳумларнинг яқинларидан майитни дафн қилишнинг жой талаб қилмайдиган усулларини синаб кўришни сўрашяпти. Бунинг учун уларга турли субсидиялар ҳам ажратилади.
Масалан, охирги вақтда буддист бўлмаган аҳоли ҳам ўликни куйдириб кулини денгизга оқизиб юборишга мажбур. Ёки ўликнинг кулини сувда эриб кетадиган экологик тоза идишлар ясаб, шунга солиб денгизга оқизиб юборишяпти. Ҳатто Сузҳоу шаҳрида маҳаллий ҳокимият марҳумларнинг қариндошлари учун махсус қайиқ рейслари ташкил қилиб, биргаликда кулларни денгизга оқизиш ташаббуси билан чиққан. Маросимда қатнашган аҳолига 290 доллар субсидия ҳам берилади. Натижада 2015 йилда майитларни ёқишлар 47 фоиз бўлса, 2021 йил бу 59 фоизга кўтарилган.
Маълумот учун, қабристон етишмовчилиги муаммосига дуч келган провинция фақат Шанҳай эмас. Бундан олдинроқ Ҳонг Конг, Беижингда ҳам қабристонларда жой етишмовчилиги бошланган.
