Тадбир 2024 йилга режалаштирилган ва Қозоғистон раислигида ўтиши кутилмоқда.
Фото: mofa.go.jp
Япония 2024 йилда «Марказий Осиё - Япония» форматида саммит ўтказиш ташаббуси билан чиқмоқда. Бу ҳақда мамлакат Ташқи ишлар вазирлиги департамент бошлиғи Йоко Камикава ва Қозоғистон бош вазири ўринбосари, ташқи ишлар вазири Мурат Нуртлеунинг БМТ Бош ассамблеяси доирасидаги учрашуви якунлари бўйича маълум қилинди.
«Томонлар келгуси йилнинг қулай вақтида «Марказий Осиё - Япония» форматида мулоқот ўтказиш мантиқий эканига келишиб олдилар ва ушбу мулоқотнинг амалдаги раиси Қозоғистон ва Япония бошқа давлатлар билан мувофиқлаштириш учун ҳамкорлик қилишини тасдиқладилар», дейилади баёнотда.
Бундан ташқари, Йоко Камикава «минтақавий алоқалар ва энергия алмашинуви»ни ривожлантиришда ҳамкорлик қилиш ниятини билдирди.
