Amazon kompaniyasi 3 dekabrdagi savdolar vaqtida Microsoft va Apple’ni ortda qoldirib, kapitallashuvi bo‘yicha dunyoda 1-o‘ringa ko‘tarilib oldi.
Amazon’ning bozor qiymati 863,163 mlrd dollarni, Apple’niki 863,152 mlrd dollarni, Microsoft’niki esa 858,697 mlrd dollarni tashkil qildi.
O‘tgan hafta Microsoft kapitallashuv qiymati bo‘yicha 8 yil ichida ilk bor Apple’ni ortda qoldirib, 1-o‘ringa ko‘tarilib olgandi.
Avgust boshida Apple‘ning bozor qiymati 1 trln dollardan oshib, tarixda bu qiymatga erishgan ilk kompaniya bo‘lgan. Sentyabrda esa bu natijani Amazon takrorlay olgandi.