Jyeff Bezosning elektron tijorat kompaniyasi Apple’ni ikkinchi o‘ringa tushirib yubordi.
Brand Finance konsalting kompaniyasining yangi hisobotiga ko‘ra, Amazon yana dunyoning eng qimmat brendlari ro‘yxatida birinchi o‘ringa chiqdi va Apple'ni ikkinchi o‘ringa tushirdi.
Jyeff Bezosning kompaniyasi bir yilda 51 milliard dollar qiymatini yo‘qotganiga qaramay, hamon ustuvorligini saqlab turibdi. Amazon kompaniyasining hozirgi qiymati 299,3 mlrd dollarga baholangan.
Apple brendi qiymati 16 foizga tushib, 297,5 milliard dollarni tashkil qildi.
Uchinchi o‘rinda Google (281,4 milliard dollar), keyingi o‘rinlarda Microsoft (191,6 milliard dollar) va Walmart (113,8 milliard dollar) joylashgan.
Brand Finance ro‘yxatidagi 500 ta brend ichida Amerika kompaniyalari ko‘pchilikni tashkil qiladi – 201 ta. Shuningdek, Xitoy 71 ta, Yaponiya 32 ta, Fransiya 31 ta, Britaniya 25 ta va Germaniya 24 ta kompaniyaga ega.
Dunyoning eng qimmat brendlari (mlrd $):
299,3 – Amazon (AQSh), chakana savdo
297,5 – Apple (AQSh), chakana savdo
281, 4 – Google (AQSh), media
191,6 – Microsoft (AQSh), texnologiyalar
113,8 – Walmart (AQSh), chakana savdo
99,7 – Samsung (Janubiy Koreya), texnologiyalar
69,5 – ICBC (Xitoy), banklar
67,4 – Verizon (AQSh), telekommunikatsiyalar
66,2 – Tesla (AQSh), avtomobilsozlik
65,7 – TikTok (Xitoy), media.
