Ukraina mudofaa vaziri Stepan Poltorak iste'foga chiqishga tayyorligini ma'lum qildi, deb xabar berdi RIA Novosti.
"Agarda sivilizatsiyalashgan usulda mudofaa vaziri tayinlanadigan bo‘lsa men iste'foga chiqishga tayyorman. So‘nggi kungacha o‘z burchimni bajaraman va mudofaa vaziri lavozimini topshiraman. Yangi mudofaa vaziriga men amalga oshirgan ishdan o‘n baravar ko‘prog‘ini qilishini tilayman", - dedi Poltorak.
Avvalroq Ukraina prezidenti ma'muriyati boshlig‘ining o‘rinbosari Ruslan Ryaboshapka Vladimir Zelenskiy yaqin vaqt ichida yangi mudofaa vaziri va xavfsizlik xizmati boshlig‘ini tayinlash bo‘yicha oliy radaga taqdimnoma kiritishini ma'lum qilgandi.
O‘tgan haftada rada tashqi ishlar vaziri Pavel Klimkin, mudofaa vaziri Stepan Poltorak va xavfsizlik xizmati boshlig‘i Vasiliy Gritsakning iste'fosini qabul qilmadi.
