15,8 foiz oilalar ikki nafar farzand bilan ajrashishgan. Bu haqda Davlat statistika qo‘mitasi xabar bermoqda.
Qo‘mita ma'lumotlariga ko‘ra, 2021 yilning yanvar-sentabr oylarida 29 031ta nikohdan ajrashish qayd etilgan.
Jami nikohdan ajrashish davrida (2021 yil yanvar-sentabr):
- farzandsiz ajrashish – 51,1 foiz;
- bir nafar farzand bilan ajrashish – 28,1 foiz;
- ikki nafar farzand bilan ajrashish – 15,8 foiz;
- uch nafar farzand bilan ajrashish – 4,2 foiz;
- to‘rt va undan ortiq farzand bilan ajrashish – 0,9 foizga teng.
Avvalroq, 2021 yilning yanvar-iyun oylarida O‘zbekistonda deyarli 20 ming oila ajrashgani, ajrashishlarning har beshtadan bittasiga er yoki xotinning qarindoshlari sabab bo‘layotgani xabar qilingandi.