Internet-do‘konlar uchun logistika infratuzilmasini yaratishga xususiy biznes jalb etiladi

2019-2020 yillarda O‘zbekistonda onlayn-do‘konlari uchun logistika infratuzilmasi yaratiladi. Bu prezidentning «Elektron tijoratni jadal rivojlantirish chora-tadbirlari to‘g‘risida»gi qaroriga ilovada nazarda tutilgan.

Spot’ning yozishicha, 2019 yil 1 iyulgacha FedEx, DHL, UPS va boshqa kompaniyalar tomonidan O‘zbekistonda mintaqaviy xablarni yaratish masalasi ishlab chiqiladi. Kutilishicha, bu elektron savdo orqali mahsulot eksporti hajmini oshirish imkonini beradi.

2019 yil 1 oktabrgacha idoralar, shu jumladan, Moliya vazirligi va «O‘zavtotrans» onlayn-do‘konlar bilan ishlovchi yetkazib berish xizmatlarini rag‘batlantirish bo‘yicha chora-tadbirlarni ishlab chiqadi va tasdiqlaydi.

2020 yil 1 apreliga qadar davlat-xususiy sektor hamkorligini joriy etilishi bilan logistika infratuzilmasini yaratishni tasdiqlovchi normativ-huquqiy hujjat tayyorlanadi, uzoq mintaqalar aholisi onlayn-do‘konlardan tovarlarni tez va qulay ravishda qabul qilinishi uchun mintaqaviy logistika markazlari paydo bo‘ladi.

Eslatib o‘tamiz, avvalroq 2019 yil 1 yanvarigacha elektron pullar bo‘yicha to‘lov haqidagi hujjat ishlab chiqilishi xabar qilingandi.