Chexiyada O‘zbekiston fuqarolarini ishga joylashtirish soddalashtiriladi

Chexiya Respublikasi Tashqi ishlar vazirligi O‘zbekiston, Mo‘g‘uliston va Vetnam fuqarolarini ustuvor ravishda ishga joylashtirish loyihasini amalga oshirishga tayyor.

Chexiya firma va kompaniyalari rekord darajada past ishsizlik sharoitida ishchi kuchiga juda katta ehtiyojga ega bo‘lmoqda. Ayniqsa, bu ishlab chiqarish hamda sanoat sohalarida yaqqol ko‘zga tashlanmoqda.

Ayni damda shunday ustuvor ishga joylashtirish loyihasi ukrainaliklar uchun (Režim Ukrajina) amal qiladi. 12 500 ukrainalik Chexiyada ishga joylashish niyatida ekanini ma'lum qilgan bo‘lsa, ularning uchdan bir qismi mamlakatda allaqachon ishlamoqda hamda yashamoqda.