Nukusdagi Hamroh Biznes Maktabi: HAMROH, ALPHA va UZCARD xotin-qizlar tadbirkorligini qo‘llab-quvvatlamoqda

Hamroh Biznes Maktabi dasturi 2026 yil mart oyida HAMROHʼning birinchi filiali ochilishi hamda HAMROH, ALPHA va UZCARD o‘rtasida hamkorlik memorandumi imzolanishi doirasida ishga tushirilgan. Dasturning birinchi oqimi aprel oyida yakunlandi, ikkinchi oqimga qabul esa shu oyning o‘zida ochildi. Dasturda ishtirok etish bepul bo‘lib, tanlov asosida amalga oshiriladi.

Loyiha hududlarda xotin-qizlar tadbirkorligini rivojlantirish, biznesni endi boshlayotgan tadbirkor ayollarni qo‘llab-quvvatlash hamda ayollar uchun barqaror biznes muhitini shakllantirishga qaratilgan. Dastur doirasida ishtirokchilar biznes yuritishning asosiy yo‘nalishlari bo‘yicha ta’lim oladi, o‘z ishini yo‘lga qo‘yish va rivojlantirish uchun amaliy bilim hamda zarur vositalarga ega bo‘ladi.

“Biz uchun Hamroh Biznes Maktabining har bir ishtirokchisi dasturdan nafaqat sertifikat bilan, balki o‘z g‘oyasi haqiqatan ham muvaffaqiyatli biznesga aylanishi mumkinligiga bo‘lgan ishonch bilan ketishi muhim”, - deya ta’kidlandi HAMROHʼda.

Sertifikatlarni topshirish marosimida UZCARD vakillari ham ishtirok etib, bunday tashabbuslarning xotin-qizlarning iqtisodiy imkoniyatlarini kengaytirish hamda mamlakat hududlarida tadbirkorlik faolligini rivojlantirishdagi ahamiyatini qayd etdi.

“Hamroh Biznes Maktabi tashabbusi biznes va moliya sektorining birgalikdagi sa’y-harakatlari ayollarga o‘z ishini rivojlantirishda qanday yordam berishi mumkinligining yorqin namunasidir. UZCARD xotin-qizlarning iqtisodiy imkoniyatlarini kengaytirishga xizmat qiluvchi loyihalarni qo‘llab-quvvatlayotganidan faxrlanadi”, - deya ta’kidlandi UZCARDʼda.

Hamroh Biznes Maktabi o‘z loyihalarini rivojlantirish, yangi ish o‘rinlarini yaratish va O‘zbekiston iqtisodiyotida xotin-qizlar tadbirkorligining rolini kuchaytirishga tayyor bo‘lgan ayollar hamjamiyatini shakllantirishda davom etmoqda.

“Biz uchun ushbu loyiha — tadbirkor ayollar nafaqat bilim olishi, balki qo‘llab-quvvatlov topishi, tajriba almashishi va birgalikda o‘sishi mumkin bo‘lgan muhitni yaratishdir. Ikkinchi oqimda turli yo‘nalishlarda — mahalliy ishlab chiqarish va tibbiyotdan tortib xizmat ko‘rsatish, ta’lim hamda hunarmandchilik sohalarigacha bo‘lgan loyihalarni rivojlantirayotgan 21 nafar ayol ishtirok etdi.

Har bir ishtirokchi o‘z tarixi va maqsadlari bilan keldi, biroq ularning barchasini biznesni rivojlantirish va oldinga intilish istagi birlashtiradi. Dasturga bo‘lgan bunday yuqori qiziqishni ko‘rishdan mamnunmiz hamda HAMROH va UZCARD bilan birgalikda butun mamlakat bo‘ylab xotin-qizlar tadbirkorligini rivojlantirish uchun imkoniyatlar yaratishda davom etamiz”, - deya fikr bildirdi ALPHA vakillari.

UZCARD. Qulay yashang.

 Reklama huquqi asosida