Xasta farzandiga shifo tilagan ona iztirobi: “Bolam shu go‘dak uchun ham yashashi kerak”

“Farzandining dardga duchor bo‘lganini eshitish hech bir onaga oson bo‘lmaydi. Eshitib tamom bo‘ldim. Bolam hali juda yosh – endigina 25ga kirdi. Birgina qizi bor, “dada” deganida juda chidash qiyin bo‘ladi. Bolam shu go‘dak uchun ham yashashi kerak!

Jigar ko‘chirish operatsiyasi uchun bizga 300 mln so‘m kerak ekan. Lekin bu pulni topish biz uchun katta muammo. Shu mablag‘ topilsa bolam sog‘ayishi mumkin. Unga kenja o‘g‘lim donorlik qilmoqchi. Uning ham ikki nafar farzandi bor. Shu bolajonlar haqqi o‘g‘illarim eson-omon operatsiyadan yaxshi chiqishini so‘rayapman”, - deya yig‘laydi bemorning onasi Zilola Jo‘rayeva.

Bir farzandining og‘ir dardidan kuyib o‘tirgan ona ikkinchi farzandining ham tig‘ ostiga tushishidan xavotirda. Ammo bu operatsiya amalga oshirilmasa Shahbozning hayoti, kelajagi xavf ostida qolishi aniq. Shu sabab umidini uzmagan oila barcha imkoniyatini ishga solib xorijda o‘tkaziladigan jarrohlik amaliyotiga tayyorgarlik ko‘rishyapti. Agar yurtdoshlari ularni qo‘llab-quvvatlab turishsa, bir onaning ikki o‘g‘li hayotga qaytadi. Ularning farzandlari ota-ona bag‘rida ulg‘ayadi. Savobli amallarini yanada ko‘paytirishni maqsad qilgan insonlar bu fursatni qo‘ldan boy bermasligiga ishonamiz.

Humo: 9860 1601 3586 1047 bemor Shahboz Ma’rufov nomida

Viza: 4817 7604 0091 2170 qarindoshi Ulug‘bek Lutfillo nomida

Manzil: Navoiy viloyati, Qiziltepa tumani, “Yashnobod” MFY, Mang‘it qishlog‘i.