AQShdagi eng katta to‘g‘on buzilishi xavfi tufayli evakuatsiya e'lon qilindi

AQShning Kaliforniya shtatida joylashgan Oroville to‘g‘onining chekka qismlarida jiddiy buzilishlar tufayli darhol xavfsiz joyga ko‘chirilish haqida e'lon qilindi. Bu haqda Reuters xabar bermoqda.

«Oroville yaqinidagi fuqarolarni darhol xavfsiz joyga ko‘chirish e'lon qilindi», - deya aytib o‘tdi mahalliy sherif. Uning ta'kidlashicha, suv chiqarib tashlash tizimining yemirilishi ko‘ldan juda katta hajmdagi suvning nazorat qilinmaydigan darajada otilib chiqishiga olib kelishi mumkin.

Mahalliy amaldorlar evakuatsiya o‘quv mashg‘uloti emasligini ta'kidlashgan.

Ko‘ldagi suv hajmi taxminan 4,3 milliard kub metrga teng.