Parlamentda “Ekstremizmga qarshi kurashish to‘g‘risida”gi qonun loyihasi muhokamaga qo‘yilmoqda
Shu kunlarda parlament quyi palatasining Mudofaa va xavfsizlik masalalari qo‘mitasida “Ekstremizmga qarshi kurashish to‘g‘risida”gi qonun loyihasini ekspertlar va mutaxassislar ishtirokida birinchi o‘qishda kontseptual ko‘rib chiqish uchun tayyorgarlik ishlari olib borilmoqda. Bu haqda quyi palata Axborot xizmati xabar bermoqda.
Prezident Shavkat Mirziyoyevning 2017 yil 15 iyundagi “Shanxay hamkorlik tashkilotining ekstremizmga qarshi kurashish to‘g‘risidagi konvensiyasi ijrosini davom etish to‘g‘risida”gi farmoyishi ijrosini ta'minlash doirasida ishlab chiqilgan qonun loyihasi O‘zbekiston Respublikasi Bosh prokurorining qonunchilik tashabbusi huquqi asosida Qonunchilik palatasiga kiritilgan.
Qonun loyihasida “ekstremistik faoliyat” (“ekstremizm”), “ekstremist”, “ekstremizmni moliyalashtirish”, “ekstremistik material” tushunchalariga aniq ta'rif berish, ekstremizmga qarshi kurashishning asosiy prinsiplari va yo‘nalishlarini belgilash ko‘zda tutilmoqda, ekstremizmga qarshi kurashishni muvofiqlashtiruvchi va amalga oshiruvchi davlat organlari va ularning vakolatlari ifodalanayapti.
Ekstremistik materiallarning aylanishi, shuningdek, ekstremizmni moliyalashtirishga yo‘l qo‘ymaslik kabi masalalarga ham alohida e'tibor qaratilmoqda.
Mavzuga oid
18:34 / 04.10.2024
Kreativ iqtisodiyot sohalaridagi faoliyat yo‘nalishlari qonun bilan belgilandi
14:21 / 02.10.2024
Oilaviy zo‘ravonlikdan jabrlanganlar ehtiyojmand aholi toifasiga kiritiladi
13:08 / 21.09.2024
Senat Xalqaro mehnat tashkiloti Konvensiyasini ratifikatsiya qildi
15:27 / 20.09.2024