Qirg‘iziston hukumati apparati rahbari iste'foga chiqarildi

Qirg‘iziston hukumati apparati rahbari Murat Mukambetov o‘z xohishiga ko‘ra iste'foga chiqdi. Bu haqda mamlakat prezidentining saytida xabar qilingan.

Qirg‘iziston prezidenti Sooronbay Jeenbekovning farmoni bilan Mukambetov egallab turgan lavozimidan ozod etildi. Ta'kidlanishicha, u boshqa ishga o‘tkaziladi.

Ma'lumot uchun: Murat Mukambetov hukumat apparatiga 2018 yilning aprelidan beri rahbarlik qilib kelayotgandi.