Qo‘qonda kuyov o‘z qaynotasiga pichoq urdi

Joriy yilning 4 sentabr kuni Farg‘ona viloyatining Qo‘qon shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, shu shaharda yashovchi Yu.U. uyi oldida o‘zaro janjal oqibatida Muqimiy shaharchasida yashovchi qaynotasi F.A.ga pichoq bilan jarohat yetkazgan. Natijada F.A. kasalxonaga yotqizilgan. Yu.U. qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.