Makron Putin bilan Qorabog‘ masalasini muhokama qildi
Rossiya prezidenti Vladimir Putin Fransiya prezidenti Emmanuel Makron bilan Tog‘li Qorabog‘dagi vaziyatni batafsil muhokama qildi.
Putin Fransiya rahbariga jangovar harakatlarning yanada avj olishiga yo‘l qo‘ymaslik choralari to‘g‘risida xabar bergan.
Kreml matbuot xizmati xabariga ko‘ra, muzokaralar Fransiya tomoni tashabbusi bilan bo‘lib o‘tgan.
«Vladimir Putin Tog‘li Qorabog‘ muammosini siyosiy-diplomatik yo‘l bilan hal qilish maqsadida jangovar harakatlarning yanada avj olishiga yo‘l qo‘ymaslik va muzokaralarni boshlash choralarini ko‘rish to‘g‘risida ma'lumot berdi», deyilgan xabarda.
«Rossiya va Fransiya YeXHT Minsk guruhining hamraislari sifatida, shuningdek, BMT Xavfsizlik Kengashi orqali ham yaqin muvofiqlashtirishni davom ettirishga tayyor ekanligi ta'kidlandi», deya qo‘shimcha qilgan Kreml.
Bundan tashqari, ikki mamlakat rahbarlari turli darajadagi aloqalar to‘g‘risida kelishib olishgan.
Mavzuga oid
10:30 / 03.10.2024
Putin urushda qatnashayotgan sudlanuvchilarni jazodan ozod qildi
08:30 / 02.10.2024
Die Zeit: Shols Putinga qo‘ng‘iroq qilmoqchi
08:50 / 01.10.2024
Putin RF Xavfsizlik kengashi tarkibini 35 kishigacha kengaytirdi
23:50 / 30.09.2024