Tanzila Norboyeva boshchiligidagi delegatsiya Rossiyaga tashrif buyurishi kutilmoqda
Tanzila Norboyeva 2019 yil oktyabrda Rossiya yuqori palatasi rahbari Valentina Matviyenko bilan uchrashgandi.
Yaqin vaqt ichida Rossiyaga O‘zbekiston Oliy Majlisi Senati raisi Tanzila Norboyeva boshchiligidagi delegatsiya tashrif buyurishi kutilmoqda. Bu haqda Rossiya Federatsiyasi kengashi raisining o‘rinbosari Nikolay Juravlyov ma'lum qildi, deb xabar berdi Kun.uz muxbiri.
«Parlamentlarning yuqori palatalari o‘rtasidagi hamkorlik bo‘yicha komissiyaning muvaffaqiyatli ish tajribasini qayd etmoqchiman. O‘tgan yil sentyabrda o‘tkazilgan yig‘ilishda ikki mamlakat qonunchiliklarini uyg‘unlashtirish masalalari ham muhokama qilingandi. Bu boradagi ishlarni davom ettirish uchun yaqin vaqt ichida Rossiyaga O‘zbekiston Oliy Majlisi Senati raisi Tanzila Norboyeva boshchiligidagi delegatsiya tashrif buyurishi kutilmoqda», – dedi Juravlyov Toshkentdagi «Innoprom» ko‘rgazmasida.
Tanzila Norboyeva 2019 yil oktyabrda Rossiya yuqori palatasi rahbari Valentina Matviyenko bilan uchrashgandi. Federatsiya kengashi spikeri O‘zbekistonga tashrifi chog‘ida Oliy Majlis Qonunchilik palatasidagi hamkasblari va prezident Shavkat Mirziyoyev bilan uchrashgan hamda Buxoroga borgandi.
Mavzuga oid
22:24 / 15.10.2024
Markaziy Osiyo tarixida ilk bor Parlamentlararo ittifoq assambleyasi O‘zbekistonda o‘tkaziladi
12:00 / 11.10.2024
Tanzila Norboyeva Imomali Rahmon bilan uchrashdi
21:00 / 07.10.2024
Ramzon Qodirov migratsiya siyosatida «o‘rta asr yondashuvlaridan» voz kechishga chaqirdi
20:07 / 07.10.2024