O‘zbekiston hukumati delegatsiyasi Saudiya Arabistoniga tashrif buyurishi kutilyapti
Joriy yilning 26 aprel kuni O‘zbekiston bosh vaziri o‘rinbosari – investitsiyalar va tashqi savdo vaziri Sardor Umrzoqov Saudiya Arabistoni podshohligining O‘zbekistondagi favqulodda va muxtor elchisi Hisham bin Mishal al-Suvaylimni qabul qildi.
Muzokaralar chog‘ida O‘zbekiston – Saudiya Arabistoni o‘rtasidagi joriy hamkorlik kun tartibi, ilgari erishilgan kelishuvlarning amalga oshirilishi hamda kelgusi yuqori darajadagi ikki tomonlama tadbirlarga tayyorgarlik ko‘rish masalalari muhokama qilindi.
Uchrashuvda ikki tomonlama munosabatlarni yanada chuqurlashtirish istiqbollari, jumladan, yaqin vaqt ichida O‘zbekiston hukumati delegatsiyasining Saudiya Arabistoniga tashrifini tashkil etish, ikki mamlakat tashqi siyosat idoralari o‘rtasida maslahatlashuvlar navbatdagi raundini, shuningdek, O‘zbekiston – Saudiya Arabistoni Ishbilarmonlar kengashi va Savdo, iqtisod, investitsiyalar, texnika, madaniyat, sport va yoshlar masalalari bo‘yicha O‘zbekiston va Saudiya Arabistoni o‘rtasidagi hukumatlararo komissiya yig‘ilishlarini o‘tkazish haqida fikr almashildi.
Uchrashuv yakunida ikki tomonlama kelishuvlar, qo‘shma loyiha va tashabbuslarning o‘z vaqtida va samarali ijrosini ta'minlash maqsadida muntazam muloqotni davom ettirish bo‘yicha kelishuvga erishildi.
Mavzuga oid
13:59 / 21.10.2024
Saudiya shahzodasi Rossiyaga bormaydi. Nega?
15:56 / 08.10.2024
Tug‘uruqxonalardagi o‘limni qanday kamaytirish mumkin? – Saudiyada ishlayotgan o‘zbek shifokori bilan suhbat
14:30 / 01.10.2024
O‘zbekiston bosh vaziri o‘rinbosari Saudiya investitsiyalar vaziri bilan muzokara o‘tkazdi
19:43 / 29.09.2024