O‘zbekiston va Pokiston strategik sheriklik to‘g‘risida deklaratsiya imzoladi
O‘zbekiston prezidenti Shavkat Mirziyoyev va Pokiston bosh vaziri Imron Xon Toshkentdagi muzokaralari yakunida strategik sheriklik aloqalarini o‘rnatish to‘g‘risidagi qo‘shma deklaratsiyani imzoladi.
Rasmiy relizga ko‘ra, tashrif doirasida imzolangan 8 ta hujjat almashildi.
Tranzit va savdo to‘g‘risidagi hamda Ishbilarmon doiralar vakillari va sayyohlik guruhlari uchun viza tartiblarini soddalashtirish to‘g‘risida hukumatlararo bitimlar ular orasida alohida ahamiyatga ega.
Shuningdek, Mudofaa vazirliklari o‘rtasida harbiy ta'lim sohasida hamkorlik to‘g‘risida protokol, 2021-2026 yillarga mo‘ljallangan Madaniy almashuv dasturi, turizm masalalari bo‘yicha anglashuv memorandumi, davlat chegarasidan olib o‘tilayotgan tovarlar va transport vositalari haqida oldindan axborot almashish to‘g‘risida bayonnoma, Jahon iqtisodiyoti va diplomatiya universiteti bilan Pokiston diplomatik xizmat akademiyasi o‘rtasida anglashuv memorandumi, O‘zbekiston – Pokiston ishbilarmonlar kengashini tuzish to‘g‘risida bitim imzolandi.
Tashrif doirasida Hukumatlararo komissiya majlisi hamda O‘zbekiston – Pokiston biznes forumida 500 million dollarlikdan ziyod shartnomalar imzolangani ma'lum qilindi.
Mavzuga oid
21:12 / 22.09.2024
Pokistonda Rossiya elchisi kortejidagi avtomobil mina bilan portlatildi
12:50 / 21.09.2024
Pokiston O‘zbekiston ishtirokidagi xalqaro transport yo‘lagini tashkil etish bo‘yicha memorandumni imzoladi
14:10 / 10.09.2024
Niderlandiyada qotillikka undaganlikda ayblangan ikki pokistonlik sudlandi
12:27 / 21.08.2024