Andijon viloyati Paxtaobod tumani tibbiyot birlashmasi tez tibbiy yordam xodimlariga 2021 yilning iyul-avgust oylari davomida koronavirus infeksiyasi tarqalishiga qarshi kurashish tadbirlariga jalb qilinganligi uchun oyliklar to‘lab berilmagan.
Andijon viloyati Adliya boshqarmasi axborot xizmatining Kun.uz’ga ma’lum qilishicha, tibbiyot birlashmasi tomonidan ixchamlashtirilgan mobil tez tibbiy yordam brigadalari tashkil etish choralari ko‘rilmaganligi oqibatida tuman Tibbiyot birlashmasi tez tibbiy yordam xodimlarining barchasi 2021 yilning iyul-avgust oylari davomida koronavirus infeksiyasi tarqalishiga qarshi kurashish tadbirlariga jalb qilingan. Biroq ularga ish xaqi to‘lanishi rad etilgan.
Hozirda o‘rganish natijalariga muvofiq tibbiyot xodimlariga jami 686 750 658 so‘m qo‘shimcha ish xaqi to‘lanadigan bo‘ldi.
