Rossiya elchixonasi migrantlar safarbarlikka jalb etilishi haqidagi xabarlarga izoh berdi
Ijtimoiy tarmoqlarda chet el fuqarolari, jumladan, Markaziy Osiyo davlatlaridan kelgan mehnat muhojirlarining Rossiya Federatsiyasida harbiy xizmatga majburiy chaqirilishi haqida ma’lumot tarqaldi.
Rossiya Federatsiyasining O‘zbekistondagi elchixonasi matbuot xizmati xabariga ko‘ra, yuqoridagi ma’lumotlar haqiqatga to‘g‘ri kelmaydi.
«Rossiya IIVning soxta buyrug‘iga tayanib, tegishli shaxslar Rossiyada vaqtincha bo‘lib turgan O‘zbekiston, Tojikiston va Qirg‘iziston fuqarolari qisman safarbar etilishi haqidagi soxta xabarlarni tarqatishmoqda. Agar ular shartnoma tuzishdan bosh torsalar, go‘yoki ishlashga ruxsatnomalari bekor qilinishi va deportatsiya qilinishi to‘g‘risida yolg‘on ma’lumot bor», — deyiladi xabarda.
Diplomatlar Rossiyadagi o‘zbekistonliklarni turli provokatsiyalarga berilmaslikka, faqat rasmiy ma’lumotlarga e’tibor qaratishga chaqirdi.
Mavzuga oid
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
18:42 / 04.10.2024
Rossiyada o‘zbek diasporasi yetakchisi noqonuniy migratsiyani tashkil etishda gumon qilinmoqda
09:00 / 04.10.2024
«Gazprom» Rossiyada eng zarar ko‘rgan kompaniyalar ro‘yxatini boshqaryapti
23:19 / 03.10.2024