O‘zbekiston va Yaponiya savdo va investitsiyaviy hamkorlikni oshirishni muhokama qildi

TIV rahbarining o‘rinbosari va Yaponiya elchisi muzokaralar chog‘ida ikki tomonlama savdo va investitsiyaviy hamkorlik hajmini oshirishga alohida e’tibor qaratdi.

Foto: Dunyo

O‘zbekiston tashqi ishlar vazirining o‘rinbosari Bahrom A’loyev Yaponiya elchisi Takashi Xatorini qabul qildi.

Uchrashuvda siyosiy, parlamentlararo, madaniy-humanitar sohalarda qo‘shma dasturlarni amalga oshirish hamda O‘zbekiston-Yaponiya muloqotining istiqbollari ko‘rib chiqildi.

Iqtisodiy diplomatiyani rivojlantirish, jumladan, savdo va investitsiyaviy hamkorlik hajmini oshirish imkoniyatlariga alohida e’tibor qaratildi.

Turli shakldagi bo‘lajak muloqotlar jadvali yuzasidan fikr almashildi.

#Yaponiya #savdo