Нима учун вақти-вақти билан овқатдан воз кечиш парҳезда ўтиришга қараганда яхшироқ?
Вақти-вақти билан оч қолиш парҳездан нимаси билан фарқ қилади?
Танаффусли оч қолиш (Intermittentfasting, IF) – оч қолиш ва чекловларсиз овқатланиш вақтини навбатма-навбат алмаштириш даври. Масалан, саккиз соат давомида овқатланишингиз ва келаси 16 соат давомида оч қолишингиз мумкин. Бир сутка овқатланиб, келаси суткада оч қолишингиз, агар беш кун овқатлансангиз, икки кун оч қолишингиз мумкин.
IF’нинг парҳездан асосий фарқи овқатланиш вақтида ўзингиз истаган таомни танлашингизда. Севимли маҳсулотларни рациондан чиқариш, калорияларни ҳисоблаш ва порцияни ўлчаш шарт эмас. Шунингдек, паст калорияли парҳездан фарқли равишда ҳолсизликни ҳис этмайсиз, шунинг учун осонликча овқатланиш режасига амал қилишингиз мумкин.
Оч қолиш ёрдамида озиш мумкинми?
Оч қолиш – озиш учун яхши танлов эмасдек туюлади. Ахир рацион кескин қисқартирилганида организм қувватни сақлаш режимига ўтади, овқат олиш имконига эга бўлганида эса кучли тарзда ёғ тўплайди.
Бу механизм одамларни исталган қатъий парҳездан кейин вазн тўплашга мажбур қилади, бироқ гап оч қолиш ҳақида кетганида у иш бермайди.
Метаболизм билан нима содир бўлади?
Гап шундаки, метаболизмнинг секинлашуви – тезкор жараён эмас. Тана ёмон кунлар келганини тушунишидан аввал бир неча кун ўтиши лозим.
Бундан ташқари, илк 14-36 соат оч қолиш вақтида метаболизм тўққиз фоизга ортади. Аждодларимиз қандай шароитларда яшаганини ёдга олсак, буни тушуниш осон. Истеъмол қилишдан аввал уни тутиш ёки йиғиб олиш керак эди. Жараёнлар секинлашган, қувват эса мавжуд бўлмаса, қандай югурасиз?
Шунинг учун «ёпилишдан» аввал тана егулик излаш учун сизга 2-3 кун беради ва ана ундан кейин тежамкорлик режимига ўтади.
Метаболизм ортганда, овқат келиб тушмаганида захирадагиларни сарфлаш – ёғларни эритиб, улардан ёқилғи сифатида фойдаланиш керак.
Оч бўлганингизда қувват қаердан келади?
