Аёллар раҳбарлик қилаётган энг кўп кичик тадбиркорлик субъектлари сони бўйича Тошкент шаҳри етакчилик қиляпти.
Аёллар раҳбарлик қилаётган кичик корхона ва микрофирмалар энг кўп бўлган ҳудудлар тўғрисида маълумот берилди.
Статистика агентлигининг маълумотларига кўра, 2022 йилда ҳудудлар кесимида аёллар раҳбарлик қилаётган энг кўп кичик тадбиркорлик субъектлари сони бўйича Тошкент шаҳри етакчилик қилган – 10 906 та.
Ундан кейинги ўринлардан аёллар раҳбарлик қилаётган кичик тадбиркорлик субъектлари сони мос равишда 4 995 та ҳамда 3 289 та бўлган Тошкент вилояти ва Самарқанд вилояти жой олди.
Шунингдек, етакчилар қаторида Қорақалпоғистон Республикаси ва Хоразм вилояти қайд этилган, мос равишда 2 593 та ҳамда 2 363 та субъект.
