17 mayda, Rossiya chempionatining tugallanishiga ikki tur qolganda “Zenit” futbolchilari muddatidan avval Rossiya chempionligini qo‘lga kiritdi.
“Zenit” chempionatning 28-turi doirasida “Ufa”ga qarshi kechgan o‘yinda 1:1 hisobida durang natija qayd etdi.
O‘yinning 32-daqiqasida peterburgliklar hujumchisi Xalk raqib darvozasini ishg‘ol etishga muvaffaq bo‘ldi. “Ufa” tarkibida Xaris Xanjich 87-daqiqada hisobni tenglashtirdi.
Endi “Zenit” uni taqib qilib kelayotgan “TsSKA” va “Krasnodar”dan yetib bo‘lmaydigan darajada o‘zib ketdi.
Shu tariqa, “Zenit” 4 karra Rossiya chempioniga aylandi: jamoa 2007, 2010, 2011/12, 2014/15 yillardagi mavsumlarda bu unvonni qo‘lga kiritgan. 1984 yilda esa Sobiq ittifoqning chempioni bo‘lgan.