Gavayi hududidagi Kailua-Kona orolida qilichbaliqni ovlashga harakat qilgan baliqchining o‘zi uning qurboniga aylandi. Bu haqda Honolulu Star-Advertiser nashri xabar bergan.
Baliqchi suvga garpun va nayza bilan qurollangan holda sakragan. U bu harakat orqali baliqni qo‘rqitishga harakat qilgan, lekin o‘lja unga qarshi hujumga o‘tib, baliqchining yelkasini jarohatlagan.
Qutqaruvchilar 47 yoshli Rendi Lyanesning hayotini saqlab qolishga urinishgan, ammo shifokorlar uning o‘limini qayd etishgan.