Navoiyda atrof-muhitni muhofaza qilishga bag‘ishlangan ekofestival bo‘lib o‘tdi.
Yoshlarda tabiatni asrash, atrof-muhitga ehtiyotkorona munosabatda bo‘lish, tabiiy boyliklardan oqilona foydalanish kabi ekologik madaniyatni yuksaltirish maqsadida tashkil etilgan tadbirda tabiatni muhofaza qilish muassasalari vakillari, mahallalar faollari, talaba va o‘quvchi yoshlar ishtirok etdi.
Festival doirasida tabiat manzaralari, noyob o‘simlik va hayvonot olami, atrof-muhit muhofazasi va ekologik muammolarni bartaraf etishga oid ko‘rgazma tashkil etildi.