Jamiyat | 19:06 / 15.06.2015
1691
1 daqiqa o‘qiladi

Belgiyada "Uzbekistan Profile" nomli yangi oylik axborot byulleteni nashrdan chiqa boshladi

O‘zbekistonning Bryusseldagi elchixonasi tomonidan Belgiyada "Uzbekistan Profile" nomli yangi oylik axborot byulleteni nashrdan chiqa boshladi. Ushbu nashrda O‘zbekistonning zamonaviy ijtimoiy-iqtisodiy rivojlanishi haqidagi xabar-maqolalar muntazam ravishda yevropalik o‘quvchilarning e'tiboriga havola qilinadi.

Ingliz tilida chiqa boshlagan "Uzbekistan Profile" Yevropaning siyosiy, ishbilarmon, ekspert va jamoatchilik doiralari, Yevropa Ittifoqi institutlari, Yevroparlament, NATO vakillari hamda Bryusselda akkreditatsiyadan o‘tgan boshqa xalqaro tashkilotlar o‘rtasida tarqatiladi.

Mazkur nashrning birinchi soni sahifalaridan mamlakatimiz siyosiy, iqtisodiy va ijtimoiy hayoti haqidagi xabar-maqolalar joy oldi, deb xabar qiladi Jahon AA.
Kun.uz yangiliklarini Google News'da kuzating
+ Obuna bo'lish