Kiyev yaqinidagi neft bazasidagi yong‘in to‘liq o‘chirildi

O‘t o‘chiruvchilar Kiyev yaqinidagi neft bazasidagi yong‘inni to‘liq o‘chirishga muvaffaq bo‘lishdi, deb xabar bermoqda “112 Ukraina” telekanali.

“Ayni paytda neft bazasida ko‘zga tashlanuvchi olov alomatlari qolmadi. Bir nechta o‘t o‘chirish mashinalari neft bazasi yonida turibdi, qolganlari esa jo‘natib yuborilmoqda”, deyilmoqda xabarda.

Qayd etilishicha, o‘t o‘chiruvchilar yong‘in to‘liq o‘chirilgani va qayta alangalanish xavfi yo‘qligini aytishgan.