Afg‘onistonda o‘stirilgan va tayyorlangan giyohvand moddalarning kamida bir foizi O‘zbekistonda qoladi. Bu haqda “Pravda Vostoka” gazetasida yozildi.
Ma'lum qilinishicha, giyohvand moddalar miqdorini kamaytirish uchun tashkiliy-huquqiy chora-tadbirlar muntazam ravishda amalga oshirilib kelinmoqda. Jumladan, 1995 yildayoq ushbu masalalarni reglamentatsiya qiluvchi xalqaro kelishuvlar me'yorlarini milliy qonunchilikka implementatsiya qilish borasida ishlar olib borildi. Jinoyat va Jinoyat-protsessual kodekslarning yangi tahrirlari, shuningdek, “Giyohvand vositalar va psixotrop moddalar to‘g‘risida”gi qonun qabul qilindi.
Shu va boshqa chora-tadbirlar tufayli mamlakatning minglab fuqarolari giyohvandlikdan qutqarildi. 2001-2013 yillarda giyohvand moddalarga ruju qo‘yganlar soni sezilarli darajada qisqardi.