Xolo kompaniyasi o‘zining Android 5.0 (Lollipop) tizimida ishlovchi Cube 5.0 smartfonini taqdim etdi.
Unga 1,3 GGts taktli chastotada ishlaydigan 4 yadroli MediaTek MTK6582M protsessori hamda Mali 400 MP2 (500 MGts) grafik kontrolleri o‘rnatilgan. Tezkor xotira hajmi 1 GB, doimiy xotirasi esa 8 GBga teng.
Cube 5.0 IPS texnologiyasida bajarilgan 5 dyuymli displeyga ega. Shuningdek, unga 8 Mpli asosiy hamda 2 Mpli old kamera o‘rnatilgan. Smartfon ikki SIM-karta bilan ishlash xususiyatiga ega.
Xolo Cube 5.0 uch xil: oq, qora hamda tillarangli ko‘rinishda taqdim etiladi. Smartfonning narxi 110 yevro deb belgilangan.