Google kompaniyasining Gmail elektron pochta xizmatida xatni bekor qilish funksiyasi paydo bo‘ldi, deb ma'lum qilmoqda Venture Beat.
Yangi funksiya foydalanuvchi xatni yuborish tugmasini bosishi va bevosita xatning yuborilishi orasida 5-30 soniyalik interval yaratadi. Bu vaqt oralig‘ida foydalanuvchi xatni yuborishni bekor qilib, kerakli tuzatishlarni kiritishi mumkin bo‘ladi.
Bu funksiya beta-versiya sifatida uzoq vaqt davomida amal qilgan. Avvalroq xatni yuborishni bekor qilishning final versiyasidan Android smartfonlaridagina foydalanish mumkin edi.