Futbol bo‘yicha Chili terma jamoasi himoyachisi Gonsalo Xara Urugvayga qarshi uchrashuvda urugvayliklar hujumchisi Edinson Kavaniga nisbatan amalga oshirgan nojo‘ya xatti-harakati uchun Amerika Kubogining oxirigacha musobaqadan chetlashtirildi. Uchrashuv Chili foydasiga 1:0 hisobida yakunlangan.
Xara uchrashuv davomida Edison Kavanining ketiga shapalatib, barmog‘ini ishga solgan holda nojo‘ya harakatni amalga oshirgan. Kavani bunday xatti-harakatdan darg‘azabligini namoyish qilganda Xara maydonga qulab, yuzini changallab, o‘zini go‘yoki raqibidan kaltak yegandek tuta boshlagan. Oqibatda Kavani “yemagan somsasi” uchun haq to‘lab, maydondan chiqarilib yuborilgan.