11 oktabr kuni Belarusda prezident saylovlari o‘tkaziladi

Belarus parlamenti 2015 yilning 11 oktabrida mamlakat prezidentligi uchun saylovlar o‘tkazilishini ma'lum qilgan. Bu haqda "BelTA" xabar bergan.

Belarus konstitutsiyasiga ko‘ra, mamlakat prezidenti 5 yilga saylanadi va qasamyod qilgach, vazifasiga kirishishi mumkin bo‘ladi.

Xabarlarga ko‘ra, amaldagi prezident 60 yoshli Aleksandr Lukashenko beshinchi marta ham saylovda o‘z nomzodini qo‘yadi. U qayta saylanishi kutilmoqda.