“Agromash” bosh konstruktorlik byurosi hamda qishloq xo‘jaligi mexanizatsiyasi va elektrifikatsiyasi instituti olimlari tomonidan cho‘l o‘simliklarini terish mashinasi yaratildi.
Oxirgi yillarda foydali cho‘l o‘simliklarining hosildorligi 2-4 ts/ga darajaga tushib ketdi. Shu bois olimlar ularga jiddiyroq e'tibor qarata boshladi.
Cho‘l o‘simliklari hosilini oddiy yig‘im-terim mashinalari yordamida kesib olib bo‘lmaydi. Shuning uchun tadqiqotchilar maxsus texnika yaratdilar. Fan va texnologiyalar taraqqiyotini muvofiqlashtirish qo‘mitasi matbuot xizmatining ma'lum qilishicha, bu ishlanma cho‘l chorvachiligini rivojlantirishga yordam beradi.