2006 yildan buyon Londonning "Tottenhem" jamoasida to‘p surib kelgan kamerunlik qanot himoyachisi Benua Assu-Ekotto Fransiyaning "Sent-Eten" jamoasi bilan shartnoma imzoladi.
"Shporlar" bilan shartnomasi yakuniga yetgan Assu-Ekotto fransuz klubiga erkin agent maqomida tashrif buyurgan. 31 yoshli bu futbolchi o‘tgan mavsumda "Tottenthem"ning asosiy tarkibidan tushib qolgan hamda "KPR"ga ijaraga berib yuborilgandi.
Bu kelishuv bir yil muddatga tuzildi.