Avstraliyalik havaskor suratkash Dilan O'Donnell Xalqaro fazo stansiyasining Oy fonidagi suratini tushirib, uni o‘z blogida e'lon qildi.
O'Donnell stansiya holatini CalSky sayti orqali kuzatgan. Stantsiyani Oy fonida obektivga tushirish uchun u bir yil vaqtini sarflagan. Surat Canon 70D fotoapparati va Celestron 9.25 teleskopi yordamida yaratilgan.
Suratkashning ta'kidlashicha, sekundiga 7.6 km tezlik bilan harakatlanadigan stansiya Oy oldidan 0.33 sekund ichida uchib o‘tadi.