Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Саудия Арабистони ҳарбий-ҳаво кучлари Ямандаги бозорни бомбардимон қилди
23:50 / 05.07.2015
5403

Саудия Арабистони ҳарбий-ҳаво кучлари 5 июль куни Яманнинг шимоли-ғарбида жойлашган Хожа вилоятидаги бозорлардан бирини бомбардимон қилиши оқибатида 30 киши ҳалок бўлди, деб хабар бермоқда Reuters ахборот агентлиги.

Шу куни бозорда кўплаб аҳоли бўлган. Гувоҳларнинг айтишича, ўнлаб кишилар яраланган, бироқ ҳозирча аниқ маълумотлар берилмаган.

Ямандаги исёнчи хусийчиларга қарши кураш олиб бораётган Саудия Арабистони бошчилигидаги коалиция ҳозирча бу ҳолат бўйича изоҳ бермади.

28 июнда ҳам коалиция самолётлари Яманнинг Адан шаҳрида жойлашган БМТнинг Тараққиёт дастури (UNDP) қароргоҳига зарба берган эди. Оқибатда қароргоҳ биносига жиддий шикаст етказилган, қўриқчилардан бири яраланган. БМТ бош котиби Пан Ги Мун бу зарбаларни қоралаб чиққан.


Улашинг
  • Теглар:
Top