Afsonaviy braziliyalik futbolchi, o‘z vaqtida Toshkentning “Bunyodkor” klubi safida to‘p surgan Rivaldo 43 yoshida maydonga qaytdi.
Yilning eng yaxshi futbolchisiga beriladigan “Oltin to‘p” mukofotining 1999 yilgi sohibi Rivaldo Braziliyaning 2-divizionida ishtirok etuvchi “Moji-Mirin” jamoasi safida maydonga tushdi. Rivaldo, shuningdek, bu klubning prezidenti hisoblanadi.
2002 yilgi jahon chempioni 68 daqiqa davomida maydonda to‘p surdi, uning jamoasi esa “Nautiko” jamoasini 2:1 hisobida mag‘lub etib, oxirgi 11ta uchrashuvda birinchi g‘alabasiga erishdi. Bu o‘yinda “Moji-Mirin” ikkala golini ham Rivaldo almashtirilganidan keyin kiritdi. Jamoa 11ta turdan keyin 6 ochko yiqqan holda musobaqa jadvalining eng quyi o‘rinidan joy olgan.