Ruslan Chagayev endi Vladimir Klichko bilan jang qilish huquqiga ega bo‘ldi

11 iyul oqshomida o‘zbekistonlik 36 yoshli bokschi Ruslan Chagayev Germaniyaning Magdeburg shahridagi arenada Franchesko Pyanetaga qarshi kechgan o‘ta og‘ir vazndagi WBA chempionlik kamari uchun jangda o‘z unvonini munosib himoya qildi.

Chagayev birinchi raundning o‘zidayoq italiyalik raqibini nokautga uchratib, bahs taqdirini muddatidan avval hal qildi.

Mazkur g‘alaba orqali Chagayevga superog‘ir vazn toifasining uch yo‘nalishi bo‘yicha jahon chempioni ukrainalik Vladimir Klichko bilan jang qilish huquqiga ega bo‘ldi.

Eslatib o‘tamiz, Chagayev professional faoliyati davomida 34-g‘alabaga erishdi, shulardan 23ta bahsda u o‘z raqiblarini nokautga uchratgan.