NASA agentligiga tegishli “Yangi ufqlar” kosmik apparati Plutonga uyushtirilgan tarixdagi birinchi sayohatni yakunlamoqda. Sayohat 9.5 yil muqaddam boshlangan edi. Agentlikning xabar qilishicha, bugun mahalliy vaqt bilan 07:49da uning Pluton bilan maksimal yaqinlashuvi kuzatiladi – zond mitti sayyoradan 12.5 ming km uzoqlikdan uchib o‘tadi.
Apparatning tezligi 14 km/sekundni tashkil qiladi. 453 kg vaznga ega apparat harakatni to‘g‘irlovchi dvigatelga ega. Lekin u yoqilg‘i zaxirasiga ega emas, shu bois to‘xtab, Pluton orbitasiga kira olmaydi. Sayyora yonidan uchib o‘tib, zond Quyosh tizimi chegarasi tomon parvozini davom ettiradi.