«New Horizons» kosmik apparati Plutonga yaqinlashib, surat olishni boshladi

NASA agentligiga tegishli «Yangi ufqlar» («New Horizons») kosmik apparati Plutonga yanada yaqinlashdi.

Agentlikning xabar qilishicha, bugun Toshkent vaqti bilan 16:50da obektning Pluton bilan maksimal yaqinlashuvi kuzatildi – zond mitti sayyoradan 13 116 km uzoqlikdan uchib o‘tdi va Pluton ekvatorini belgilashga muvaffaq bo‘lgan.

«Yangi ufqlar» («New Horizons») zondining qiymati 700 mln. dollarga baholangan bo‘lib, u 2006 yilda Plutonni o‘rganish uchun yo‘lga chiqarilgandi.

Ma'lumot uchun, Pluton – quyosh sistemasidagi eng uzoq joylashgan sayyora bo‘lib, 1930 yilda Klayd Tombo tomonidan kashf qilingan. Apparatning tezligi 16 km/sekundni tashkil qiladi. 453 kg vaznga ega apparat harakatni to‘g‘rilovchi dvigatelga ega. Lekin u yoqilg‘i zaxirasiga ega emas, shu bois to‘xtab, Pluton orbitasiga kira olmaydi. Sayyora yonidan uchib o‘tib, zond Quyosh tizimi chegarasi tomon parvozini davom ettiradi.