Dunyo bo‘yicha ajralishlar sababiga ularning foiz ko‘rsatkichlari aniqlandi. Bu haqda «Oila davrasida» gazetasi xorij statistikasi ma'lumotlariga tayanib xabar berdi.
Manbaning yozishicha, turmush qurishga tayyor emasligiga qaramasdan nikohdan o‘tgach, er-xotinning bir-biriga ko‘ngli yo‘qligi sababli ajrashishlar dunyo bo‘yicha 42 foizni tashkil qilmoqda. Shuningdek, ichish, chekish, giyohvandlik kabi zararli odatlar hamda nosog‘lom turmush tarzi oqibatidagi ajrimlar – 31 foiz, xiyonat sababli oila buzilishi – 15 foiz, maishiy masalalar bilan bog‘liq holatlardagi ajrimlar – 3,1 foiz, iqtisodiy muammolar tufayli ajrimlar – 1,8 foiz, rashk sababli yuzaga keladigan ajrimlar – 1,5 foizni tashkil qilishi aniqlangan.