Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Россиялик аёл 7 йил давомида ўзининг ўлмаганини исботлашга уриниб келди
10:53 / 28.07.2015
6830

Россиянинг Краснодар ўлкасининг Кримск шаҳрида яшовчи 63 ёшли аёл 7 йил давомида ўлган деб ҳисобланган. Аёл иички ишлар органлари ва ФҲДЁда ўлган деб топилганига қарамасдан, эндигина прокуратура орқали ўзининг тириклигини исботлашга муваффақ бўлди.

Қрим туманлараро прокуратураси аёлнинг шикояти бўйича текширув ўтказди.

Қрим ФҲДЁ бўлими 2007 йил милициянинг шахси аниқланмаган мурдани текшириш баённомасига асосланиб, аёлнинг исми-шарифи, туғилган йилини кўрсатган ҳолда ўлганини қайд қилган эди.

Исми ошкор этилмаётган аёл бир неча марта мансабдор шахсларга бу қарорни қайта кўриб чиқишни талаб қилиб мурожаат қилган, бироқ улар ҳеч қандай чора кўрмаганлар.

Аёл ёзма тарздаги мурожаатларига ўлим ҳақидаги далолатномалар фақатгина суд қарори билан бекор қилиниши мумкинлиги ҳақида жавоб олган.

2014 йил августидан аёлга пенсия бериш тўхтатиб қўйилган.

Прокуратура бу вазиятга аралашгандан кейин, ўлим ҳақидаги далолатнома ёзуви бекор қилинди, аёлнинг ҳуқуқлари тикланди ва берилмаган пенсиялар тўлиқ тўланди.

Прокуратура ФҲДЁнинг айбдор ходимларини интизомий жавобгарликка тортишни таклиф қилди. Полиция эса 7 йил аввал топилган мурданинг шахсини бошқатдан аниқлашга киришиб кетди.


Улашинг
  • Теглар:
Top