Checheniston rahbari Ramzon Qodirov unga nisbatan ko‘plab suiqasdlar tayyorlanayotganini, ammo bu haqda ko‘p gapirmasligini aytdi.
“Suiqasdlar juda ko‘p bo‘lgan, men shunchaki bu haqda gapirmayman, xijolat bo‘laman”, – uning so‘zlarini keltiradi RIA Novosti agentligi.
“Bir necha oy muqaddam Chernorecheda, – so‘zida davom etdi u. – To‘rt oy oldin. Men obektni har safar tekshirardim. U yerda quvur bor. Quvurni minalashtirishibdi. U yerda maydoncha bor edi, men har kuni qarardim, Grozniy dengizi atrofidagi investitsion maydoncha. O‘sha yerda minalashtirishibdi”.
Uning aytishicha, bu suiqasdni Xamzat Bityukayev boshchiligidagi jangarilar guruhi uyushtirgan.
