Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
АҚШ ўлдирилган ИШИД раҳбарининг рафиқасини Ироқ ҳукуматига топширди
10:20 / 07.08.2015
4342

АҚШ ИШИД экстремистик гуруҳининг ўлдирилган раҳбарларидан бири Абу ас-Сайёфнинг рафиқасини Ироқ ҳукуматига топширди. Бу ҳақда Пентагон тарқатган хабарномада айтилмоқда.
Хабарномада айтилишича, Умм ас-Сайёф номи билан маълум Насрин Асад Иброҳим ИШИД фаолиятида иштирок этишда гумон қилиниб, 15 май куни Ироқда АҚШ ҳарбийлари томонидан қўлга олинган.
Айни пайтда Иброҳим хоним Ироқ Курдистонидаги қамоқда сақланмоқда.
Май ойининг ўрталарида АҚШ махсус отряди Сурия шарқида махсус операция ўтказди. Операция жараёнида Абу ас-Сайёф ўлдирилди. Оқ уй миллий хавфсизлик кенгаши расмий вакили Бернадетт Михэннинг сўзларига қараганда, АҚШ бу хатти-ҳаракатларини Сурия ҳукумати билан мувофиқлаштириб бормаган ҳамда уни огоҳлантирмаган.


Улашинг
  • Теглар:
Top