Obama saratonga chalingan Jimmi Karterga sog‘ayib ketishni tiladi

AQSh prezidenti Barak Obama saraton xastaligiga chalingan mamlakatning sobiq prezidenti Jimmi Karterga sog‘ayib ketishni tiladi, deya xabar tarqatdi Associated Press.

“Mishel va men prezident Karterga tezroq va to‘liq tuzalib ketishni tilaymiz. Jimmi, sen qat'iyatlisan va biz butun Amerika bilan birgalikda seni qo‘llab-quvvatlaymiz”, dedi Obama.

Bundan avvalroq esa AQShning 39- prezidenti Jimmi Karter jigar saratoniga chalingani xabar qilingan edi.