Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 23:12 / 26.08.2015
    3307
    2 daqiqa o‘qiladi

    Peru politsiyasi pingvin ortidan poygaga tushdi

    Peruning Ankash viloyatida Gumboldt pingvini ishtirokida antiqa voqea yuz berdi, deb xabar bermoqda The Daily Mirror nashri. Nuevo-Chimbote aholisi o‘zini “talmovsirab va hovliqqan” tarzda tutayotgan, avtomobillar orasida yurgan qush haqida politsiyaga xabar berishgan. Pingvin qanday qilib uni ko‘rishgan joyda paydo bo‘lgani noma'lum, biroq u yo‘lda ketayotgan mashinadan tushib qolgani taxmin qilinmoqda.

    Voqea joyiga yetib kelgan politsiyachilar qochishga usta chiqib qolgan pingvinni darrov tuta olmadilar. Nashrning ta'kidlashicha, perulik politsiyachilar “dunyodagi eng muloyim poygani” uyushtirishdi.

    Oxir-oqibat qo‘rqib ketgan qush qo‘lga olindi. Uni pijak bilan o‘rab, mashinaga solib, politsiya bo‘limiga olib borishdi va u yerda baliq bilan mehmon qilishdi. Politsiyachilar unga hattoki Pingvi deya laqab ham qo‘yishdi. Pingvi hayvonot bog‘iga berilishi kutilmoqda.